Tatariston va O‘zbekiston hamkorlik bo‘yicha yangi kelishuv imzolaydi. Bu haqda Tatariston prezidenti Rustam Minnixanovning Bosh vazir o‘rinbosari, transport vaziri Ochilboy Ramatov bilan muzokaralari yakunida ma’lum bo‘ldi, deya xabar berdi “Podrobno.uz”.
Tatariston va O‘zbekiston o‘rtasidagi amaldagi kelishuv 1993-yilda imzolangan bo‘lib, bugungi kunda yangi hujjatni tayyorlash yuzasidan ishlar olib borilmoqda.
Minnixanovga ko‘ra, hamkorlikdagi muhim loyihalar qatorida O‘zbekistonga shinalar, dizel yoqilg‘isi, aviakerosin, motor moylari yetkazib berish, Toshkent viloyatida KamAZ poligoni va servis markazi ochilishi bor.
Shuningdek, Tatariston mashinasozlik sohasida, O‘zbekistonga vertolyotlar, neftkimyo, qishloq xo‘jaligi texnikasi mahsulotlari yetkazib berilishini kengaytirishdan manfaatdor ekanligi bildirildi.
Uchrashuvda Tatariston va O‘zbekiston o‘rtasidagi tovar aylanmasi 57 foizga oshib, 146 million dollarni tashkil etgani qayd etildi.
Izoh (0)