Татаристон ва Ўзбекистон ҳамкорлик бўйича янги келишув имзолайди. Бу ҳақда Татаристон президенти Рустам Миннихановнинг Бош вазир ўринбосари, транспорт вазири Очилбой Раматов билан музокаралари якунида маълум бўлди, дея хабар берди «Podrobno.uz».
Татаристон ва Ўзбекистон ўртасидаги амалдаги келишув 1993 йилда имзоланган бўлиб, бугунги кунда янги ҳужжатни тайёрлаш юзасидан ишлар олиб борилмоқда.
Миннихановга кўра, ҳамкорликдаги муҳим лойиҳалар қаторида Ўзбекистонга шиналар, дизел ёқилғиси, авиакеросин, мотор мойлари етказиб бериш, Тошкент вилоятида КамАЗ полигони ва сервис маркази очилиши бор.
Шунингдек, Татаристон машинасозлик соҳасида, Ўзбекистонга вертолётлар, нефткимё, қишлоқ хўжалиги техникаси маҳсулотлари етказиб берилишини кенгайтиришдан манфаатдор эканлиги билдирилди.
Учрашувда Татаристон ва Ўзбекистон ўртасидаги товар айланмаси 57 фоизга ошиб, 146 миллион долларни ташкил этгани қайд этилди.
Изоҳ (0)