GRU sobiq polkovnigi Sergey Skripalning onasi Yelena politsiyaga o‘g‘li va nabirasi Yuliyani bedarak yo‘qolgan deb topish to‘g‘risidagi ariza bilan murojaat qildi. Bu haqda Skripallarning qarindoshi Viktoriya ma’lum qildi, deya xabar beradi “Korrespondent.net”.
“19-fevral kuni politsiyaga Sergey Skripal va uning qizi Yuliyani bedarak yo‘qolgan deb topish to‘g‘risidagi ariza yuborildi. Hujjatlar pochta orqali Yuliyaning Moskvadagi turar joyi bo‘yicha politsiya bo‘limiga yuborildi”, — dedi Viktoriya Skripal.
Viktoriya Sergey Skripalning onasi bilan birga Yaroslavlda yashaydi. Oldinroq ular Solsberida zaharlangan yaqinlari holidan xabar olish uchun Britaniyaga borishga harakat qilgan, biroq Viktoriyaga viza berilishi rad etilgandi.
Izoh (0)