AQShning Minnesota shtatidagi Donald Tramp laqabli itning o‘ldirilishi siyosiy xarakterga ega emas edi, deya xabar beradi “Fox News”.
Jekson okrugi sherifining so‘zlariga ko‘ra, itni otib o‘ldirgan gumondor xususiy mulk hududida chorvasini qonuniy asosda himoya qilgan.
Huquqni muhofaza qilish organlari xodimlarining bayonotida aytilishicha, ular ijtimoiy tarmoqlardagi noto‘g‘ri ma’lumotga asoslangan tahdidlar sababli vaziyatni o‘rganishga qaror qilgan.
Siyosiy qotillik haqidagi mish-mish itning egasi AQSh prezidenti Donald Trampning faol tarafdori ekanligi uchun tarqalmoqda.
Uning qo‘shnisi demokratlarni qo‘llab-quvvatlaydi va ijtimoiy tarmoq foydalanuvchilarining fikricha, u hayvonni ataylab o‘ldirgan.
Sherifning qayd etishicha, so‘nggi uch yil mobaynida ofisga o‘lik itning egasiga qarshi qo‘shnilaridan 14 ta shikoyat kelib tushgan.
Izoh (0)