Zokirjon Almatov va Din ishlari bo‘yicha qo‘mita raisi o‘rinbosari talabalar bilan uchrashdi

O‘zbekiston Respublikasi Ichki ishlar vazirligi, Vazirlar Mahkamasi huzuridagi Din ishlari bo‘yicha qo‘mita hamda Toshkent davlat iqtisodiyot universiteti hamkorligida talabalar bilan ma’naviy-ma’rifiy va tarbiyaviy-profilaktik uchrashuv o‘tkazildi, deya xabar beradi O‘zA.

Vazirlar Mahkamasi huzuridagi Din ishlari bo‘yicha qo‘mita raisi o‘rinbosari Nuriymon Abulhasan, Ichki ishlar vaziri maslahatchisi, general-polkovnik Zokirjon Almatov, Toshkent davlat iqtisodiyot universiteti rektori Bahodir Xodiyev yoshlar qalbida Vatan taqdiri, kelajagi uchun daxldorlik va mas’uliyat hissini oshirish, yot g‘oyalarga qarshi mafkuraviy immunitetni kuchaytirishga yo‘naltirilgan targ‘ibot ishlarining ahamiyati yuksak ekanini ta’kidladi.

Bugungi kunda amalga oshirilayotgan islohotlar mazmun-mohiyati atroflicha tushuntirildi. Jinoyatchilik va huquqbuzarlikka qarshi kurashda huquq-tartibot organlari, jamoatchilik tashkilotlari, ta’lim muassasalari, keng jamoatchilik hamkor, hamfikr bo‘lishi kerakligi qayd etildi.