Samarqand shahrida 1930-yilda qurilgan, “Hunarmandlar markazi” joylashgan binoda 13-fevralga o‘tar kechasi yong‘in sodir bo‘ldi.
13-fevral kuni Samarqand viloyati kuch vositalarni boshqarish va muvofiqlashtirish markaziga soat 2:05 da Samarqand shahar Islom Karimov ko‘chasi 46-A-uyda joylashgan, “Hunarmandlar markazi”da yong‘in sodir bo‘lgani haqida ma’lumot kelib tushgan.
“Daryo” muxbiri Farhod Norbo‘tayevning xabar berishicha, voqea joyiga Samarqand shahridan 9 ta yong‘in o‘chirish jangovor ekipajlari yuborilgan. Bo‘linmalar hodisa joyiga 02:15 da yetib borib, 03:06 da yong‘inni o‘rab olgan. 03:55 yong‘in bartaraf etilgan.
Samarqand viloyat IIB Yong‘in xavfsizligi boshqarma boshlig‘i o‘rinbosari Ilhom Ismoilovning ma’lum qilishicha, bino ikkinchi qavatining 100 kvadrat metr fanerli shifti, jihozlari va tunukali tomi yongan.
Olib borilgan sa’y-harakatlar natijasida 1930-yilda qurilgan binoning 500 kvadrat metr joyi asrab qolingan.
Yong‘in elektr simlarini qisqa tutashuvi natijasida kelib chiqqan.
Samarqand viloyati IIB YoXB boshlig‘i rahbari voqea joyiga borib, yong‘in kelib chiqish sabablarini to‘liq o‘rgangan.
Izoh (0)