Yaponiya Janubiy Koreyadan imperator haqida aytilgan so‘zlar uchun kechirim so‘rashni talab qildi

Tokio Janubiy Koreya Milliy majlisi (Parlamenti) Spikeri Mun Xi Sanning yaponiyalik imperator Akixito haqidagi bayonotlari sababli Seulga norozilik bildirgan, deya xabar beradi “RBK”.

“Ushbu izohlarni o‘qiganimda juda hayron bo‘ldim”, — deydi Bosh vazir Sindzo Abe. — Mamlakatimiz darhol Janubiy Koreyaga diplomatik kanallar orqali spiker Mun Xi Sanning bayonoti juda noo‘rin ekanligini yetkazgan. Biz qat’iy e’tiroz bildirdik va kechirim so‘rashni talab qildik”.

12-fevral kuni Janubiy Koreya parlamenti spikeri Bloomberg’ga bergan intervyusida Yaponiya imperatorini yapon qo‘shinlarida majburan ishlaydigan koreys ayollaridan shaxsan kechirim so‘rashga chaqirgan. Mun Xi Sanning so‘zlariga ko‘ra, agar Yaponiya bosh vaziri yoki imperatori kechirim so‘rasa, muammo hal bo‘ladi. Shu bilan birga, Janubiy Koreya parlamentining spikeri avvalgi imperator Xiroxitoga ishora qilib, Akixitoni “harbiy jinoyatlarning asosiy aybdorining o‘g‘li” deb atadi.

Ikkinchi jahon urushi paytida Yaponiya askarlari mamlakat armiyasi bo‘lgan deyarli barcha hududlarda, xususan, Janubiy Koreya, Xitoy, Filippin, Birma, Tailand, Vyetnam, Indoneziya va qator boshqa davlatlarda ayollarni qullikka olgan. Zo‘ravonlik qurbonlari 20 mingdan 360—410 minggacha kishini tashkil qilgan bo‘lishi mumkin.