Tojikiston tashqi ishlar vaziri Sirojiddin Muhriddin bugungi kunda Iroq qamoqxonalarida 43 nafar ayol va 92 nafar tojik bolalari borligini ma’lum qilgan, deya xabar beradi Asia-Plus.
Tojikiston tashqi ishlar vazirligi o‘tgan yillar davomida urush qurboni bo‘lgan tojikistonliklarni o‘z vataniga qaytarish bilan shug‘ullanmoqda.
Uning so‘zlariga ko‘ra, bolalarni Vataniga qaytarish uchun, Iroq qonuniga ko‘ra, ota-onalarning ularni mamlakat tashqarisiga olib chiqish uchun ruxsati bo‘lishi kerak.
“Biroq hozirgi vaqtda Iroqdan 75 nafar bolani olib chiqish uchun ruxsatnoma mavjud. Ota-onalarning ruxsatidan tashqari qo‘shimcha ravishda sudni yutib chiqish va 2500 AQSh dollari miqdorida haq to‘lash lozim. Tojikiston uchun ushbu xarajatlar 400 AQSh dollariga tushirilgan”, — deydi vazir.
“Tojikistonlik bolalarni vatanga qaytarish uchun pul topdik. Bu muammo emas. Asosiy muammo onalar bolalarining vataniga qaytishi uchun ruxsat berishi”, — deydi vazir.
Tojikistonlik ayollarga kelsak, faqat sud ularga nisbatan qaytarish to‘g‘risida qaror qabul qilishi mumkin: agar ayb isbotlanmasa, ular Tojikiston hukumatiga beriladi.
Eslatib o‘tamiz, Tojikiston tashqi ishlar vazirligi o‘tgan yilning aprel oyi oxirida to‘rt tojik bolasini Iroqdan o‘z vataniga qaytargan. Ular orasida Iroqdagi yetimxonada bo‘lgan 9 yoshli Abdullo va Maryam, 7 yoshli Fotima va 3 yoshli Muhammad bor.
Izoh (0)