Nyu-York “Kremniy vodiysi” deb ataluvchi San-Fransisko janubiy ko‘rfazini ortda qoldirib dunyoda eng yaxshi texnologik birlashma deb topildi, deb yozadi Forum Daily.
Ko‘chmas mulk bo‘yicha broker Savills PLC tomonidan e’lon qilingan yangi hisobotga ko‘ra, tadqiqotlar tarixida Nyu-York texnologik ko‘rsatkichlar bo‘yicha dunyoning eng yirik 30 ta shaharlari ichida birinchi o‘rinda, deb baholandi.
Reytingni aniqlash uchun guruh har bir shaharni venchur (uzoq muddatli yuqori riskli) investitsiyasi hajmi, umumiy infrastrukturadan tortib, bir finjon qahva narxigacha 100 ta alohida ko‘rsatkichlar bo‘yicha har yili baholaydi. Shu yo‘l bilan tadqiqotchilar qaysi shahar haqiqatdan ham texnologik kompaniya uchun eng yaxshi joy ekanligini aniqlaydi.
Shuningdek, Savills’da qo‘shimcha qilinishicha, bu yilgi ro‘yxatda AQShning ikki shahri yetakchilikni egallagan bo‘lsa ham, unda Xitoyning beshta shahri ham o‘rin olgan. Xitoyning turli shaharlarida venchur investitsiyalari ulushi AQShga nisbatan yuqori.
Masalan, Pekinda so‘nggi uch yil davomida o‘rtacha 34 milliard dollar venchur investitsiyalari ro‘yxatdan o‘tkazilgan bo‘lib, bu Nyu-York va San-Fransisko ko‘rsatkichlaridan yuqori.
Izoh (0)