Нью-Йорк «Кремний водийси» деб аталувчи Сан-Франциско жанубий кўрфазини ортда қолдириб дунёда энг яхши технологик бирлашма деб топилди, деб ёзади Forum Daily.
Кўчмас мулк бўйича брокер Savills PLS томонидан эълон қилинган янги ҳисоботга кўра, тадқиқотлар тарихида Нью-Йорк технологик кўрсаткичлар бўйича дунёнинг энг йирик 30 та шаҳарлари ичида биринчи ўринда, деб баҳоланди.
Рейтингни аниқлаш учун гуруҳ ҳар бир шаҳарни венчур (узоқ муддатли юқори рискли) инвестицияси ҳажми, умумий инфраструктурадан тортиб, бир финжон қаҳва нархигача 100 та алоҳида кўрсаткичлар бўйича ҳар йили баҳолайди. Шу йўл билан тадқиқотчилар қайси шаҳар ҳақиқатдан ҳам технологик компания учун энг яхши жой эканлигини аниқлайди.
Шунингдек, Savills’да қўшимча қилинишича, бу йилги рўйхатда АҚШнинг икки шаҳри етакчиликни эгаллаган бўлса ҳам, унда Хитойнинг бешта шаҳри ҳам ўрин олган. Хитойнинг турли шаҳарларида венчур инвестициялари улуши АҚШга нисбатан юқори.
Масалан, Пекинда сўнгги уч йил давомида ўртача 34 миллиард доллар венчур инвестициялари рўйхатдан ўтказилган бўлиб, бу Нью-Йорк ва Сан-Франциско кўрсаткичларидан юқори.
Изоҳ (0)