11-fevral kuni krasnodarlik erkak Ivan Kalugin yo‘lovchilarga bepul xizmat ko‘rsatish uchun bir kunga tramvayni ijaraga olgan, deya xabar beradi TJournal. Kalugin tramvayni soat 06:24 dan 23:55 gacha sotib olgan.
Kaluginning iltimosiga tramvay deposi tezda rozi bo‘lgan, ammo vaziyatni tushuntirish uchun tramvayga stikerlar yopishtirishni so‘ragan. Erkak tramvayga soat 23:55 ga qadar bepul foydalanish mumkinligi haqidagi e’lon osib chiqqan. Tramvayning ijara narxi 50 ming rublni tashkil qilgan. Vaholanki, yo‘lovchilarning safar uchun chipta bahosi 26 rublni tashkil qilardi.
Kalugin “buyuk ezgu amal” qilish istagida bo‘lganligini tushuntirgan. Kaluginning aytishicha, odamlar nima uchun tramvaydan bepul foydalanishayotganini tushunmagan. Birozdan so‘ng u tramvayda o‘zi ham yurib, yo‘lovchilarga nazoratchi yo‘qligi haqida so‘zlab bergan.
Izoh (0)