AQSh Kongressida respublikachilar va demokratlar Meksika bilan chegarada devor qurish uchun mablag‘ ajratish bo‘yicha kelishuvga va federal hukumat ishining yana bir marta to‘xtab qolishning oldini olishga erishdi. Bu haqda “Kommersant.ru” xabar berdi.
Kelishuv tafsilotlari oshkor qilinmagan.
Biroq xabarda aytilishicha, devorning bir qismi — 215 mildan 55 milni qurish ishlari moliyalashtiriladi.
Kongress a’zolari bunga 1,4 milliard dollar atrofida mablag‘ ajratishga rozi bo‘lgan.
Prezident Donald Tramp chegarada devor qurish uchun Kongressdan 5,7 milliard dollar talab qilishga erishmoqchi.
22-dekabr kuni budjetdagi qarama-qarshiliklar sababli mamlakatda shatdaun boshlangan va u 25-yanvargacha, AQSh Kongressi va Oq Uy hukumat ishi mablag‘larini qisqa muddatga tiklash bo‘yicha kelishuvga erishguncha davom etgan.
Vaqtinchalik kelishuv 15-fevralga qadar amal qiladi.
Izoh (0)