Тожикистон ташқи ишлар вазири Сирожиддин Муҳриддин бугунги кунда Ироқ қамоқхоналарида 43 нафар аёл ва 92 нафар тожик болалари борлигини маълум қилган, дея хабар беради Asia-Plus.
Тожикистон ташқи ишлар вазирлиги ўтган йиллар давомида уруш қурбони бўлган тожикистонликларни ўз ватанига қайтариш билан шуғулланмоқда.
Унинг сўзларига кўра, болаларни Ватанига қайтариш учун, Ироқ қонунига кўра, ота-оналарнинг уларни мамлакат ташқарисига олиб чиқиш учун рухсати бўлиши керак.
«Бироқ ҳозирги вақтда Ироқдан 75 нафар болани олиб чиқиш учун рухсатнома мавжуд. Ота-оналарнинг рухсатидан ташқари қўшимча равишда судни ютиб чиқиш ва 2500 АҚШ доллари миқдорида ҳақ тўлаш лозим. Тожикистон учун ушбу харажатлар 400 АҚШ долларига туширилган», — дейди вазир.
«Тожикистонлик болаларни ватанга қайтариш учун пул топдик. Бу муаммо эмас. Асосий муаммо оналар болаларининг ватанига қайтиши учун рухсат бериши», — дейди вазир.
Тожикистонлик аёлларга келсак, фақат суд уларга нисбатан қайтариш тўғрисида қарор қабул қилиши мумкин: агар айб исботланмаса, улар Тожикистон ҳукуматига берилади.
Эслатиб ўтамиз, Тожикистон ташқи ишлар вазирлиги ўтган йилнинг апрель ойи охирида тўрт тожик боласини Ироқдан ўз ватанига қайтарган. Улар орасида Ироқдаги етимхонада бўлган 9 ёшли Абдулло ва Марям, 7 ёшли Фотима ва 3 ёшли Муҳаммад бор.
Изоҳ (0)