Nyu-Meksika shtatidagi dengiz kuchlari tadqiqot markazi maxfiy ma’lumotlar joylangan ikki tonna uskunani yoqib yuboradigan pudratchilarni izlay boshladi, deya xabar beradi “Tjournal”.
Markazda ular energetik qurol va yer usti qurollari bo‘yicha ish olib borgan, ammo hozirda ushbu axborotlarni saqlash qurilmalaridan qutilishga qaror qilgan.
Talabda qayd etilishicha, harbiylar yillar mobaynida juda nozik maxfiy ma’lumotlarga ega bo‘lgan magnit, optik va qattiq ma’lumot saqlovchi disklar, jumladan, ikki tonnaga yaqin uskunalar to‘planganini qayd etadi. Ularni kulga aylangunicha yoqib tashlash talab qilinadi.
Harbiylar pudratchi tomonidan axborotni yo‘q qilish vaqtida obyektni qattiq nazorat qilishni talab qilmoqda. Bundan tashqari, binoni tun-u-kun qurolli qo‘riqchilar tomonidan qo‘riqlanishi va ularning ichida sana va vaqtni ro‘yxatga olish funksiyasi bilan video nazorati o‘rnatilishi kerak.
Disklar juda nozik ma’lumotlarni saqlayotgani tufayli ular harbiy xizmatchilar kuzatuvida federal xodimlar tomonidan olib ketiladi. Hukumat vakillari bino ichida qoladi va ma’lumotlar yo‘q qilinishini nazorat qiladi.
Shartnoma imzolanganidan so‘ng kompaniyaga ish boshlash uchun 10 kun kerak bo‘ladi, harbiy dengiz kuchlari butun jarayon 8 dan 10 soatgacha davom etadi degan fikrda.
Hukumat vakillari 30-sentabrga qadar ish yakunlanishini kutmoqda.
Izoh (0)