Shimoliy Koreya rahbari Kim Chen In AQSh prezidenti Donald Tramp bilan ikkinchi marta uchrashish maqsadida Vyetnamning istalgan shaharlaridan biriga samolyotda yoki poyezdda kelishi mumkin. Bu haqda “TASS” xabar berdi.
Transport jihatdan qulay bo‘lganligi uchun Vyetnam AQSh va Shimoliy Koreya rahbarlari ikkinchi uchrashuvi joyi sifatida tanlangan. U Koreyaning shimoliga davlat rahbarlarining birinchi uchrashuvi bo‘lib o‘tgan Singapurdan ancha yaqinroq.
Xabarda qayd etilishicha, Kim Chen In Singapurga Pekin tomonidan taqdim etilgan laynerda borishga to‘g‘ri kelgan. Endi poyezd orqali borish mumkin bo‘lgan yana ham xavfsizroq yo‘l bor. Chunki Vyetnamgacha poyezd yordamida do‘stona Xitoy hududi orqali borish mumkin.
Hozirgi paytda uchrashuv joyi sifatida Vyetnam poytaxti Xanoy, janubiy Xoshimin va mamlakat markazidan joylashgan Danang port shahri tanlanmoqda. Danang shahri ular orasida eng ma’quli sifatida qaralmoqda. Chunki aynan shu yerda kurort zonalar bo‘lib, ularni himoya qilish va xavfsizlikni saqlash nisbatan oson. 2017-yilda u yerda prezident Tramp ishtirokida Osiyo-Tinch okeani iqtisodiy hamkorlik tashkiloti sammiti bo‘lib o‘tgan. O‘sha paytdayoq Danang hududi Amerika xavfsizlik xizmati tomonidan yaxshilab o‘rganib chiqilgan.
Izoh (0)