Нью-Мексика штатидаги денгиз кучлари тадқиқот маркази махфий маълумотлар жойланган икки тонна ускунани ёқиб юборадиган пудратчиларни излай бошлади, дея хабар беради «Tjournal».
Марказда улар энергетик қурол ва ер усти қуроллари бўйича иш олиб борган, аммо ҳозирда ушбу ахборотларни сақлаш қурилмаларидан қутилишга қарор қилган.
Талабда қайд этилишича, ҳарбийлар йиллар мобайнида жуда нозик махфий маълумотларга эга бўлган магнит, оптик ва қаттиқ маълумот сақловчи дисклар, жумладан, икки тоннага яқин ускуналар тўпланганини қайд этади. Уларни кулга айлангунича ёқиб ташлаш талаб қилинади.
Ҳарбийлар пудратчи томонидан ахборотни йўқ қилиш вақтида объектни қаттиқ назорат қилишни талаб қилмоқда. Бундан ташқари, бинони тун-у кун қуролли қўриқчилар томонидан қўриқланиши ва уларнинг ичида сана ва вақтни рўйхатга олиш функцияси билан видео назорати ўрнатилиши керак.
Дисклар жуда нозик маълумотларни сақлаётгани туфайли улар ҳарбий хизматчилар кузатувида федерал ходимлар томонидан олиб кетилади. Ҳукумат вакиллари бино ичида қолади ва маълумотлар йўқ қилинишини назорат қилади.
Шартнома имзоланганидан сўнг компанияга иш бошлаш учун 10 кун керак бўлади, ҳарбий денгиз кучлари бутун жараён 8 дан 10 соатгача давом этади деган фикрда.
Ҳукумат вакиллари 30 сентябрга қадар иш якунланишини кутмоқда.
Изоҳ (0)