6-fevralning e’tiborga molik yangiliklari — “Daryo” dayjestida.
Sankt-Peterburgdagi oliygohda o‘zbekistonlik talaba tomdan muz bo‘lagi tushishi oqibatida vafot etdi.
5-fevral kuni Sankt-Peterburgning Kimyo-farmatsevtika davlat universiteti talabasi bo‘lgan o‘zbekistonlik 23 yoshli Boburbek Ochilov tomdan muz bo‘lagi tushishi oqibatida vafot etdi.
Peterburg hukumati halok bo‘lgan o‘zbekistonlikning jasadini vataniga yuborish xarajatlarini zimmasiga oladi.
***
40 nafar o‘zbekistonlik Qozog‘istonda muzlab qolishiga oz qoldi.
Ostona-Petropavlovsk avtomobil yo‘lining 167 kilometrida qutqaruvchilar avtobusdan qirq nafar yo‘lovchini, O‘zbekiston va ikki nafar Qozog‘iston fuqarolarini qutqarib olgan.
***
Turg‘unboyev ishi yopildi. Kimga aza, kimga to‘y?
O‘zbekiston futbol assotsiatsiyasi 5-fevral kuni bir vaqtda ikkita klub bilan shartnoma tuzishda gumon qilingan Aziz Turg‘unboyev masalasini ko‘rib chiqib, ishga yakun yasadi.
Futbol mutaxassisi Alisher Nikimbayev Telegram’dagi kanalida mazkur voqeaga munosabat bildirdi.
***
Harbiy xizmatga chaqiruv vaqti nima sababdan o‘zgartirilayotganiga izoh berildi.
Harbiy xizmatga chaqiruv tadbirlarini yilning fevral—mart oylarida o‘tkazilishi chaqiruv va yig‘in punktlari xonalarida belgilangan issiqlik haroratini ta’minlashda qator qiyinchilik va sarf-xarajatlarning ortishiga olib kelmoqda.
Aksariyat holatlarda noqulay ob-havo sharoiti respublikaning uzoq hududlarida yashovchi fuqarolarni o‘z vaqtida chaqiruv va yig‘in punktlariga yetib kelishiga to‘sqinlik qilmoqda.
***
Toshkentda avtomobili oynasidan semechka qoldiqlarini uloqtirgan haydovchi jarimaga tortildi.
Holat o‘tkinchilardan biri tomonidan videoga olingan.
Nexia haydovchisi video tarmoqda joylashtirilganidan ikki kun o‘tib Ma’muriy javobgarlik to‘g‘risidagi kodeksning 123-moddasiga binoan jarimaga tortilgan.
Izoh (0)