Россияда ҳалок бўлган ўзбекистонлик талаба, Қозоғистонда қутқарилган ўзбекистонликлар, ҳарбий хизматга чақирув вақтининг ўзгартирилиши сабаби ва куннинг бошқа муҳим хабарлари

6 февралнинг эътиборга молик янгиликлари — «Дарё» дайжестида.

Санкт-Петербургдаги олийгоҳда ўзбекистонлик талаба томдан муз бўлаги тушиши оқибатида вафот этди.

5 февраль куни Санкт-Петербургнинг Кимё-фармацевтика давлат университети талабаси бўлган ўзбекистонлик 23 ёшли Бобурбек Очилов томдан муз бўлаги тушиши оқибатида вафот этди.

Петербург ҳукумати ҳалок бўлган ўзбекистонликнинг жасадини ватанига юбориш харажатларини зиммасига олади.

***

40 нафар ўзбекистонлик Қозоғистонда музлаб қолишига оз қолди.

Остона-Петропавловск автомобиль йўлининг 167 километрида қутқарувчилар автобусдан қирқ нафар йўловчини, Ўзбекистон ва икки нафар Қозоғистон фуқароларини қутқариб олган.

***

Турғунбоев иши ёпилди. Кимга аза, кимга тўй?

Ўзбекистон футбол ассоциацияси 5 февраль куни бир вақтда иккита клуб билан шартнома тузишда гумон қилинган Азиз Турғунбоев масаласини кўриб чиқиб, ишга якун ясади.

Футбол мутахассиси Алишер Никимбаев Telegram’даги каналида мазкур воқеага муносабат билдирди.

***

Ҳарбий хизматга чақирув вақти нима сабабдан ўзгартирилаётганига изоҳ берилди.

Ҳарбий хизматга чақирув тадбирларини йилнинг февраль—март ойларида ўтказилиши чақирув ва йиғин пунктлари хоналарида белгиланган иссиқлик ҳароратини таъминлашда қатор қийинчилик ва сарф-харажатларнинг ортишига олиб келмоқда.

Аксарият ҳолатларда ноқулай об-ҳаво шароити республиканинг узоқ ҳудудларида яшовчи фуқароларни ўз вақтида чақирув ва йиғин пунктларига етиб келишига тўсқинлик қилмоқда.

***

Тошкентда автомобили ойнасидан семечка қолдиқларини улоқтирган ҳайдовчи жаримага тортилди.

Ҳолат ўткинчилардан бири томонидан видеога олинган.

Nexia ҳайдовчиси видео тармоқда жойлаштирилганидан икки кун ўтиб Маъмурий жавобгарлик тўғрисидаги кодекснинг 123-моддасига биноан жаримага тортилган.