Bahrom Ashrafxonov Moliya vazirining ijtimoiy soha masalalari bo‘yicha o‘rinbosari etib tayinlandi. Bu haqda vazirlik axborot xizmati ma’lum qildi.
Bahrom Ashrafxanov 1969-yilda Toshkent shahrida tug‘ilgan. 1993-yilda Toshkent davlat iqtisodiyot universitetini, 1994-yilda Kentukki universitetini (AQSh) tamomlagan.
2002—2004-yillarda Moliya vaziri o‘rinbosari — Sug‘urta nazorati davlat inspeksiyasi boshlig‘i lavozimida ishlagan.
2005—2007-yillarda Moliya vazirining birinchi o‘rinbosari. 2007—2016-yillarda Moliya vazirligi G‘aznachiligi boshlig‘i — Moliya vaziri o‘rinbosari.
2016—2018-yillarda O‘zbekistonning Rossiya Federatsiyasidagi Favqulodda va muxtor elchisi.
Hozirgi kunga qadar Bahrom Ashrafxanov “O‘zbekneftegaz” AJ boshqaruv raisi vazifasini bajaruvchi lavozimida faoliyat yuritib kelgan.
Izoh (0)