Баҳром Ашрафхонов Молия вазирининг ўринбосари этиб тайинланди
Баҳром Ашрафхонов Молия вазирининг ижтимоий соҳа масалалари бўйича ўринбосари этиб тайинланди. Бу ҳақда вазирлик ахборот хизмати маълум қилди.
Баҳром Ашрафханов 1969 йилда Тошкент шаҳрида туғилган. 1993 йилда Тошкент давлат иқтисодиёт университетини, 1994 йилда Кентукки университетини (АҚШ) тамомлаган.
2002—2004 йилларда Молия вазири ўринбосари — Суғурта назорати давлат инспекцияси бошлиғи лавозимида ишлаган.
2005—2007 йилларда Молия вазирининг биринчи ўринбосари. 2007—2016 йилларда Молия вазирлиги Ғазначилиги бошлиғи — Молия вазири ўринбосари.
2016—2018 йилларда Ўзбекистоннинг Россия Федерациясидаги Фавқулодда ва мухтор элчиси.
Ҳозирги кунга қадар Баҳром Ашрафханов «Ўзбекнефтегаз» АЖ бошқарув раиси вазифасини бажарувчи лавозимида фаолият юритиб келган.
