Venesuela armiyasi potensial AQSh hujumiga javob berishga tayyor, deya xabar beradi “Interfaks”.
Lotin Amerikasining Karakasdagi teleSUR telekanali bu jarayon aks etgan videoni e’lon qilgan.
Unda Venesuela armiyasining harbiylari harbiycha qadam tashlab: “Urush xohlaysizmi? Bunga erishasiz. Biz sizni kutyapmiz!”, deb baralla ovozda javob qaytargan.
Videoga izoh berayotgan ommaviy axborot vositalari, bu AQSh Prezidentining milliy xavfsizlik bo‘yicha maslahatchisi Jon Boltonning “Kolumbiyaga 5000 askar” hujjatiga o‘ziga xos javob bo‘lganini ta’kidlamoqda.
Eslatib o‘tamiz, Jon Bolton matbuot anjumanida beparvolikka yo‘l qo‘ygani sababli kameralar uning hujjatlari ustida “Kolumbiyaga 5000 askar” yozuvini muhrlab olgan edi.
Izoh (0)