Венесуэла ҳарбийлари АҚШга тўсқинлик қилишга тайёрлигини билдирди

Венесуэла армияси потенциал АҚШ ҳужумига жавоб беришга тайёр, дея хабар беради «Интерфакс».

Лотин Америкасининг Каракасдаги teleSUR телеканали бу жараён акс этган видеони эълон қилган.

Унда Венесуэла армиясининг ҳарбийлари ҳарбийча қадам ташлаб: «Уруш хоҳлайсизми? Бунга эришасиз. Биз сизни кутяпмиз!», деб баралла овозда жавоб қайтарган.

Видеога изоҳ бераётган оммавий ахборот воситалари, бу АҚШ Президентининг миллий хавфсизлик бўйича маслаҳатчиси Жон Болтоннинг «Колумбияга 5000 аскар» ҳужжатига ўзига хос жавоб бўлганини таъкидламоқда.

Эслатиб ўтамиз, Жон Болтон матбуот анжуманида бепарволикка йўл қўйгани сабабли камералар унинг ҳужжатлари устида «Колумбияга 5000 аскар» ёзувини муҳрлаб олган эди.