Urganch shahrining markaziy ko‘chalari, sayilgohlari va dahalarida Xorazm viloyati IIB patrul-post xizmatining muntazam maskanlari o‘rnatilmoqda. Bu haqda Xorazm viloyati Ichki ishlar boshqarmasi matbuot xizmati xabar bermoqda.
Yaqin atroflarga o‘rnatilgan kuzatuv kameralari orqali hududni bevosita maskanning o‘zida kuzatib, tahlil etib borish, biron-bir xavf-xatar yoki huquqbuzarlik aniqlangan taqdirda hodisa joyiga zudlik bilan naryadlarning yetib borishini ta’minlash mazkur maskanlarni o‘rnatishda asosiy maqsad qilib belgilangan.
Maskanning tashqi devorlarida hududiy ichki ishlar organlari navbatchilik qismining telefon raqamlari qayd etilganligi, jinoyat va hodisalar to‘g‘risida fuqarolarning ichki ishlar organlariga telefon orqali ham murojaat qilishlari uchun imkoniyat tug‘diradi.
Ushbu maskanlarda kecha-kunduz tashkil etiladigan naryadlar tomonidan xizmat olib borishi uchun qulay shart-sharoitlar yaratishga ham e’tibor qaratilgan.
Yaqin kunlarda Urganch shahrida patrul-post xizmatining bu kabi maskanlaridan o‘ntasini o‘rnatish ishlarini yakunlash rejalashtirilgan.
Izoh (0)