Урганч шаҳрининг марказий кўчалари, сайилгоҳлари ва даҳаларида Хоразм вилояти ИИБ патруль-пост хизматининг мунтазам масканлари ўрнатилмоқда. Бу ҳақда Хоразм вилояти Ички ишлар бошқармаси матбуот хизмати хабар бермоқда.
Яқин атрофларга ўрнатилган кузатув камералари орқали ҳудудни бевосита масканнинг ўзида кузатиб, таҳлил этиб бориш, бирон-бир хавф-хатар ёки ҳуқуқбузарлик аниқланган тақдирда ҳодиса жойига зудлик билан нарядларнинг етиб боришини таъминлаш мазкур масканларни ўрнатишда асосий мақсад қилиб белгиланган.
Масканнинг ташқи деворларида ҳудудий ички ишлар органлари навбатчилик қисмининг телефон рақамлари қайд этилганлиги, жиноят ва ҳодисалар тўғрисида фуқароларнинг ички ишлар органларига телефон орқали ҳам мурожаат қилишлари учун имконият туғдиради.
Ушбу масканларда кеча-кундуз ташкил этиладиган нарядлар томонидан хизмат олиб бориши учун қулай шарт-шароитлар яратишга ҳам эътибор қаратилган.
Яқин кунларда Урганч шаҳрида патруль-пост хизматининг бу каби масканларидан ўнтасини ўрнатиш ишларини якунлаш режалаштирилган.
Изоҳ (0)