Departamentning Buxoro viloyat boshqarmasi va IIB xodimlari tomonidan o‘tkazilgan tezkor tadbirda Buxoro shahar hokimligi bo‘lim boshlig‘i B.Q. qo‘lga olindi. Bu haqda Bosh prokuratura matbuot xizmati ma’lum qildi.
U fuqaro B.M. bilan oldindan til biriktirib, fuqaro S.R.dan Buxoro shahar hokimligi tasarrufidagi kam ta’minlangan oilalar yotoqxonasidan ikki xonali uy ajratib berish evaziga 1200 AQSh dollari pora berishni talab qilgan. Shundan 500 AQSh dollarini olgan vaqtda ashyoviy dalillar bilan ushlangan.
Mazkur holat yuzasidan B.Q. va B.M.ga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)