VEON Group Sergey Afonin 2019-yil 1-martdan Beeline Uzbekistan bosh direktori lavozimiga tayinlanishini e’lon qildi. Bu haqda Spot xabar bermoqda.
Afonin VEON Group safiga 2016-yilda, Beeline Russia Janubiy mintaqaviy filiali direktori sifatida qo‘shilgandi. Bungacha Rossiyadagi yirik FMCG-kompaniya tijoriy direktori bo‘lib ishlagan.
“Sergeyning lavozimi oshirilishi O‘zbekistondagi mavqeyimiz yanada mustahkamlanishi, jumladan, raqamli xizmatlar kengayishiga olib keladi, shuningdek, korporativ etika va biznes shaffofligi uchun xizmat qiladi, degan umiddaman”, — dedi Veon Group raisi Ursula Byorns.
Afonin mazkur vazifada Beeline Uzbekistan bosh direktori lavozimida oxirgi uch yil mobaynida ishlab kelgan Dmitriy Shukovni almashtiradi.
Izoh (0)