Rossiyalik tadbirkorlar Boris va Arkadiy Rotenberg ularga nisbatan sanksiya joriy qilinganidan keyin samolyotsiz qoldi. Bu haqda Forbes xabar berdi.
Biznes jetlarning sotilishi haqidagi ma’lumotlar broker Boutsen Aviation saytida e’lon qilingan. Boris Rotenbergning Bombardier Global 5000 samolyoti 25 million dollarga baholanmoqda, u Kiprdagi Damstone Limited kompaniyasi nomiga rasmiylashtirilgan. Arkadiy Rotenbergga tegishli qiymati 15 million dollar bo‘lgan samolyot esa Olpon Investment Limited kompaniyasi hisobida turadi.
Boris Rotenbergning vakili ma’lum qilishicha, samolyotni Credit Suisse banki krediti hisobiga sotib olish rejalashtirilgan. 2014-yilda sanksiya kiritilganidan keyin, bank Damstone Limited kompaniyasidan to‘lovlarni qabul qilishni to‘xtatgan va qarz oluvchini ogohlantirmasdan, havo kemasini sotuvga qo‘yishga qaror qilgan.
Xabar berilishicha, sanksiyalar tadbirkorlarga ma’lum noqulayliklar keltirib chiqarmoqda, xususan, ular tez-tez shaxsiy samolyotda uchish ehtimoli bilan o‘z ish rejasiga o‘zgartirish kiritishga majbur bo‘ladi.
Izoh (0)