Qoraqalpog‘istonda 677 ta korxona QQS to‘lovchisi bo‘ldi

Qoraqalpog‘iston davlat soliq boshqarmasi aylanmasi (tushumi) 1 milliard so‘mdan oshgan yoki yil davomida belgilangan chegaraviy miqdorga yetgan korxonalarni umumbelgilangan soliqlarni to‘lashga o‘tkazish, ya’ni QQS to‘lovchisi sifatida ro‘yxatga olish bo‘yicha ishlarni amalga oshirib kelmoqda. Bu haqda boshqarma matbuot xizmati ma’lum qildi, deya xabar beradi “Xalq so‘zi”.

Qoraqalpog‘iston bo‘yicha 254 ta korxona umumbelgilangan soliq turlarini to‘lab kelgan bo‘lsa, mamlakatda joriy etilgan yangi soliq islohotlari tufayli joriy yil 1-yanvardan e’tiboran 677 ta korxona qo‘shilgan qiymat solig‘i to‘lovchisi sifatida ro‘yxatdan o‘tkazilib, ularga maxsus guvohnomalar tarqatildi.

Soliq organlaridagi mavjud ma’lumotlar tahliliga ko‘ra, 2018- yil yakunlari bo‘yicha tovar aylanmasi bir milliard so‘mdan oshgan qo‘shilgan qiymat solig‘i to‘lovchisi sifatida 502 ta korxona ro‘yxatga olingan.

Xo‘jalik yurituvchi boshqa subyektlarga esa huquqiy maslahatlar berilib, ro‘yxatga olish ishlari davom ettirilmoqda.