Prezident farmoni bilan Vatan himoyachilari kuni va O‘zbekiston Respublikasi qurolli kuchlarining 27 yilligi munosabati bilan huquqni muhofaza qilish organlari xodimlari va harbiy xizmatchilardan bir guruhi mukofotlandi.
Hujjatda ular mamlakat mudofaa qudratini yanada yuksaltirish, davlat xavfsizligi va chegaralar daxlsizligini ta’minlash ishlariga qo‘shayotgan katta hissasi, milliy manfaatlarni himoya qilish hamda tinchlik, barqarorlik va jamoat tartibini ta’minlash borasidagi xizmat burchini bajarishda mardlik, jasorat va fidoyilik ko‘rsatgani uchun mukofotlangani bildirilmoqda.
Huquqni muhofaza qilish organlari xodimlari va harbiy xizmatchilar II darajali “Shon-sharaf”, “Do‘stlik”, “Mardlik” ordenlari, “Jasorat”, “Sodiq xizmatlari uchun” va “Shuhrat” medalllari bilan taqdirlandi.
Izoh (0)