Samarqandda kamida 200 ming dollarlik ko‘chmas mulk sotib olgan xorij fuqarosi bu yerda yashash huquqini qo‘lga kiritadi

Ko‘chmas mulk sotib olgan xorijiy mamlakatlar fuqarolariga O‘zbekistonda yashash guvohnomasini olish huquqi taqdim etiladi. Bu Prezidentning turizmni rivojlantirishga oid qo‘shimcha chora-tadbirlar to‘g‘risidagi farmonida ko‘zda tutilgan.

Ushbu huquqni qo‘lga kiritish uchun ko‘chmas mulkka sarflanadigan summa hududlar bo‘yicha farqlanadi. Jumladan:

• Toshkent viloyati va Toshkent shahrida — 400 000 AQSh dollari ekvivalentidan kam bo‘lmagan miqdorda;
• Samarqand, Buxoro, Namangan, Andijon, Farg‘ona va Xorazm viloyatlarida — 200 000 AQSh dollari ekvivalentidan kam bo‘lmagan miqdorda;
• Qoraqalpog‘iston Respublikasi va respublikaning boshqa viloyatlarida — 100 000 AQSh dollari ekvivalentidan kam bo‘lmagan miqdorda ko‘chmas mulkni sotib olgan taqdirda beriladi.