Amazon kompaniyasi asoschisi Jeff Bezosning rafiqasi bilan ajrashishiga uning sobiq teleboshlovchi Loren Sanchez bilan munosabatlari sabab bo‘lgan. Bu haqda Page Six nashriga tayanib, “RIA Novosti” xabar berdi.
Avvalroq dunyoning eng boy kishisi va uning rafiqasi Makkenzi 25 yillik turmushdan keyin ajrashishga qaror qilgani haqida xabar berilgan edi. Juftlikning uch nafar o‘g‘li va bir nafar asrab olingan qizi bor.
Bezosni Sanchez bilan 2018-yilning oktabr oyida birga ko‘rishgan. Nashr tomonidan qayd etilishicha, Sanchez sobiq eri Patrik Uaytsell bilan ajrashganidan keyin milliarder va teleboshlovchi tez-tez muloqot qiladigan bo‘lgan.
Bezos va Sanchez “Oltin globus” mukofotini topshirish marosimida va shu kuni Los-Anjelesda tashkil qilingan Amazon kompaniyasi kechasida ham birga ishtirok etgan.
Nashr tomonidan qayd etilishicha, bu juftlik uchrashib turadi va milliarderning amaldagi rafiqasi ularning munosabatidan xabardor.
Izoh (0)