Samarqand viloyatining Kattaqo‘rg‘on tumanida oilaviy ajrimlar 2018-yilda 24 taga kamaydi. Bu haqda “Zarafshon” xabar bermoqda.
Ammo ayni paytda tumanda 150 dan ziyod oila ajralish arafasida. Ushbu oilalarda ajralishlarga arzirli sabablar bormi? Shar’iy nikoh bilan yashayotgan oilalar sonini kamaytirish uchun nimalarga e’tibor qaratish kerak? Ajrashgach, farzandini boqish va uy-joy masalasini hal qilish nega ayol kishiga qolib ketmoqda?
Kattaqo‘rg‘on tuman hokimligidaOliy sud sudyalari G.Parpiyeva va M.Rabiyeva hamda fuqarolik ishlari bo‘yicha viloyat sudi raisi M.Tojiboyevishtirokida o‘tkazilgan seminarda shu haqda so‘z bordi. Tuman faollari, mahallalardagi xotin-qizlar bilan ishlash va oilalarda ma’naviy-axloqiy qadriyatlarni mustahkamlash bo‘yicha mutaxassislarga ajrimlarning oldini olish borasida huquqiy maslahatlar berildi.
— O‘tgan yili oilalardagi vaziyato‘rganilganda 63 oila shar’iy nikoh bilan yashayotganligi aniqlandi, — deydi Kattaqo‘rg‘on tumani hokimi o‘rinbosari, xotin-qizlar qo‘mitasi raisi L.Ubaydullayeva. — Ularni qonuniy nikohdan o‘tkazish bo‘yicha ish olib borilmoqda. Ajralishga ariza bergan oilalarning 60 tasiga yarashishlari uchun muhlat berildi. Bu muddat davomida mutaxassislar, nuroniy onaxonlarular bilan ishlashadi.
Seminar davomida Mo‘minxo‘ja va Jongil mahallalarida yashovchi, ajrashishga ahd qilgan ikki oila yarashtirildi. Endilikda ajrashishga harakat qilgan erkak kishiga qat’iy choralar belgilanishi, ya’ni aliment to‘lovi bilan zarur bo‘lganda farzandining boshqa ehtiyojlariga ham mablag‘ topib berishi, oilasini joy bilan ta’minlashi lozimligi kabi masalaning huquqiy jihatlari bo‘yicha tushuncha berildi.
Izoh (0)