9-yanvarning e’tiborga molik yangiliklari — “Daryo” dayjestida.
Zeromax kompaniyasining sobiq ijrochi direktori Mirodil Jalolov joriy yil 8-yanvar kuni DXX tergov izoyatoridan ozod qilindi va shu kunning o‘zida Toshkentdagi uyiga qaytdi.
Jinoiy ishlar bo‘yicha Toshkent viloyat sudi 53 yashar Mirodil Jalolovga nisbatan hibsga olish tariqasidagi ehtiyot chorasini bekor qildi va u sud zalidan qo‘yib yuborildi. Shunday bo‘lsa ham, Jalolov O‘zbekiston Jinoyat kodeksining bir necha moddalari bilan aybdor deb topildi va 17 687 040 so‘m jarimaga tortildi.
***
Xabar berilishicha, bu qurollarning 85 foizi yoki 857 milliontasi oddiy aholiga tegishli, harbiylar qo‘lida esa 133 millionta, huquqni muhofaza qiluvchi idoralarda esa 23 millionta qurol mavjud.
***
Andijonda pora bilan qo‘lga tushgan kadastr xodimi o‘z boshlig‘ini tutib berdi.
“Yer tuzish va ko‘chmas mulk kadastri” DK Andijon shahar filiali mutaxassisi I.S. rahbari D.T. o‘ziga noqonuniy ravishda o‘zlashtirib olgan Andijon shahrining Ko‘makay massivida joylashgan 2 ta 4 sotixli yer-uchastkalarining har biri uchun 10 ming dollaridan, jami 20 ming dollarini talab qilgan. I.S. vositachi N.M. orqali oldindan 10 ming dollarini olayotgan paytda ashyoviy dalillar bilan qo‘lga tushdi.
I.S. olingan pullarni boshlig‘i D.T.ga berishi kerakligini ta’kidladi. Uning pushaymonlik arizasi asosida tadbir davom ettirildi. Andijon shahar “Yer tuzish va ko‘chmas mulk kadastri” DK boshlig‘i D.T. qo‘l ostidagi xodimi I.S.dan kelishilgan yerlardan birini ajratish bo‘yicha shahar hokimining qarorini chiqarish uchun 10 ming dollari olib, I.S.ga 1 ming dollarni qaytarib beradi. D.T. qolgan 9 ming dollarini olib ketayotgan vaqtda ushlandi.
***
Prezidentning 2019-yil 7-yanvardagi qarori bilan Toshkent shahridagi Amiti universiteti tashkil etildi.
Oliy ta’lim muassasasida axborot-kommunikatsiya texnologiyalari sohasida, birinchi navbatda, dasturiy ta’minotni ishlab chiqish, axborot tizimlari va kompyuter tarmoqlarini boshqarish bo‘yicha xalqaro standartlar darajasida yuqori malakali mutaxassislar tayyorlanadi.
Universitetning ta’lim faoliyati 2019/2020-o‘quv yilidan boshlanadi.
Uni tamomlagan bitiruvchilarga O‘zbekiston Respublikasida oliy ma’lumot to‘g‘risidagi hujjat sifatida e’tirof etiladigan Amiti universitetining (Hindiston) belgilangan namunadagi diplomi beriladi.
***
Sankt-Peterburg viloyatining Zelenogorsk shahrida 39 yoshli o‘zbekistonlik ayol sovuq qotib halok bo‘lgan.
Ma’lum qilinishicha, qattiq sovuq qotgan o‘zbekistonlik ayolni shahar ko‘chalarining birida uchratishgan. Shifokorlar yordamiga qaramasdan ayol voqea joyida vafot etgan.
Ayolning o‘limi bilan bog‘liq holat bo‘yicha shahar politsiyasi tomonidan tergov-surushturuv ishlari boshlab yuborilgani aytilmoqda.
Izoh (0)