Самарқанд вилоятининг Каттақўрғон туманида оилавий ажримлар 2018 йилда 24 тага камайди. Бу ҳақда «Зарафшон» хабар бермоқда.
Аммо айни пайтда туманда 150 дан зиёд оила ажралиш арафасида. Ушбу оилаларда ажралишларга арзирли сабаблар борми? Шаръий никоҳ билан яшаётган оилалар сонини камайтириш учун нималарга эътибор қаратиш керак? Ажрашгач, фарзандини боқиш ва уй-жой масаласини ҳал қилиш нега аёл кишига қолиб кетмоқда?
Каттақўрғон туман ҳокимлигидаОлий суд судьялари Г.Парпиева ва М.Рабиева ҳамда фуқаролик ишлари бўйича вилоят суди раиси М.Тожибоевиштирокида ўтказилган семинарда шу ҳақда сўз борди. Туман фаоллари, маҳаллалардаги хотин-қизлар билан ишлаш ва оилаларда маънавий-ахлоқий қадриятларни мустаҳкамлаш бўйича мутахассисларга ажримларнинг олдини олиш борасида ҳуқуқий маслаҳатлар берилди.
— Ўтган йили оилалардаги вазиятўрганилганда 63 оила шаръий никоҳ билан яшаётганлиги аниқланди, — дейди Каттақўрғон тумани ҳокими ўринбосари, хотин-қизлар қўмитаси раиси Л.Убайдуллаева. — Уларни қонуний никоҳдан ўтказиш бўйича иш олиб борилмоқда. Ажралишга ариза берган оилаларнинг 60 тасига ярашишлари учун муҳлат берилди. Бу муддат давомида мутахассислар, нуроний онахонларулар билан ишлашади.
Семинар давомида Мўминхўжа ва Жонгил маҳаллаларида яшовчи, ажрашишга аҳд қилган икки оила яраштирилди. Эндиликда ажрашишга ҳаракат қилган эркак кишига қатъий чоралар белгиланиши, яъни алимент тўлови билан зарур бўлганда фарзандининг бошқа эҳтиёжларига ҳам маблағ топиб бериши, оиласини жой билан таъминлаши лозимлиги каби масаланинг ҳуқуқий жиҳатлари бўйича тушунча берилди.
Изоҳ (0)