O‘zbekistonda foto va videoga olinishi taqiqlangan obyektlar, jamoat joylari va hududlari ro‘yxati 1-fevralga qadar tasdiqlanishi lozim. O‘zbekiston Prezidenti Shavkat Mirziyoyev “O‘zbekistonda turizmni tezkor rivojlantirish bo‘yicha qo‘shimcha chora-tadbirlar to‘g‘risida”gi farmonida Ichki ishlar vazirligiga shunday topshiriq bergan, deb yozadi “Gazeta.uz”.
Ro‘yxat Mudofaa vazirligi, Davlat xavfsizlik xizmatining Chegara qo‘shinlari va boshqa manfaatdor vazirlik va idoralar bilan birgalikda ishlab chiqilishi lozim. Ro‘yxat tasdiqlanganidan so‘ng, Qoraqalpog‘iston Vazirlar Kengashi, viloyatlar va Toshkent shahri hokimliklari foto va videosuratga olish taqiqlangani kamida ikkita xorijiy tilda (ingliz, rus va boshqa) ko‘rsatilgan lavhachalarni 1 martga qadar o‘rnatib chiqishi lozim.
Farmonda alohida qayd etilishicha, taqiqlov belgilari (lavhachalari) bo‘lmagan joylarda foto- va videosyomka “hech bir cheklovlarsiz” amalga oshiriladi.
Qayd etib joiz, 1-iyundan Toshkent metropolitenida foto- va videosuratga olishga nisbatan taqiq bekor qilingan edi.
Izoh (0)