Buxoro shahrida ichki ishlar xodimlari uchun yangi turar joy foydalanishga topshirildi. Bu haqda “Daryo”ga jurnalist Laylo Hayitova ma’lum qildi.
Buxoro viloyat IIB matbuot xizmati rahbari Quvvat Yarashovga ko‘ra, 5 qavatli binoning loyiha-smeta qiymati 4 milliard so‘m bo‘lib, 30 xonadondan iborat.
—Yangi yilning ilk kunida uch xonali uy kalitiga ega bo‘ldim. 9 yildan buyon oilam bilan ijarada yashab kelardim. Bugun esa xotirjam yashashimiz uchun uch xonali o‘z uyimiz bor. Unda barcha qulayliklar yaratilgan, uy narxi ham arzon. Dastlabki to‘lovning uchdan ikki qismi, ya’ni 23 million so‘mi besh yil muddatda qaytarish sharti bilan to‘lab berildi”, — deydi viloyat IIB post-patrul xizmati bataloni xodimi Ilyos Hamroyev.
2019-yilning mart oyida Buxoroda ichki ishlar xodimlari uchun 30 kvartiradan iborat yana bitta 5 qavatli uy foydalanishga topshiriladi. Ayni paytda obyektda qurilish-ishlari olib borilmoqda.
Izoh (0)