O‘zbekiston Xotin-qizlar qo‘mitasining 22-dekabr, shanba kuni Prezident huzuridagi Davlat boshqaruvi akademiyasi binosida bo‘lib o‘tgan hisobot-saylov konferensiyasida O‘zbekiston bosh vaziri Abdulla Aripov ham so‘zga chiqdi, deya xabar bermoqda “Xabar.uz”.
Bosh vazir Ichki ishlar akademiyasida qizlar uchun qabul kvotasini oshirishni taklif qilgan.
“Kechirasizlar-u, qaysi mantiqqa asoslanib Ichki ishlar akademiyasiga qizlarni qabul qilishga 5 foizlik kvota qo‘yilgan? Bor-yo‘g‘i 45 nafar qiz o‘tarkan. Prezident ayol psixologlarni ko‘paytirish yuzasidan topshiriq berdi. Voyaga yetmaganlar bilan erkak inspektor yaxshi ishlay oladimi? Yo‘q. U bilan faqat ayol inspektor yaxshi ishlashi, qalbiga yo‘l topishi mumkin”, — dedi Abdulla Aripov.
Bosh vazirning ta’kidlashicha, bu masala yuzasidan Prezidentga taklif kiritiladi. Hukumat rahbarining qo‘shimcha qilishicha, ichki ishlar xodimlari safida ayollar ko‘paysa, korrupsiya holatlari ham kamayadi.
Eslatib o‘tamiz, qo‘mitaning ushbu hisobot-saylov konferensiyasida Tanzila Norboyeva keyingi besh yil muddatga Xotin-qizlar qo‘mitasi raisi etib qayta saylangan.
Izoh (0)