O‘zbekiston ta’lim muassasalarining 3 mingdan ortiq bitiruvchilari Vyetnamda turli mas’uliyatli lavozimlarda mehnat qilmoqda

O‘zbekiston tashqi ishlar vaziri Abdulaziz Komilov 21-dekabr kuni O‘zbekistonda o‘zining diplomatik missiyasini yakunlayotgan Vyetnam elchisi Fam Van Faoni qabul qildi. TIV matbuot xizmatining ma’lum qilishicha, suhbatda O‘zbekiston—Vyetnam muloqotini izchil mustahkamlashning ustuvor yo‘nalishlari hamda avval erishilgan kelishuvlarni amalga oshirish borasida fikr almashilgan.

Hozirda ikki tomonlama munosabatlarning holatini siyosiy, savdo-iqtisodiy va madaniy-gumanitar sohalardagi umumiy ijobiy o‘sish sur’atlari bilan ifodalasa bo‘ladi. “Bugungi kunda Vyetnamning turli tuzilma va sohalarida mas’uliyatli lavozimlarni egallab turgan O‘zbekiston ta’lim muassasalarini 3000 dan ortiq vetnamlik bitiruvchilari mamlakatlarimizni bog‘lab turuvchi muhim faktor hisoblanadi”, — deyiladi TIV axborotida.

Uchrashuvda O‘zbekiston—Vyetnam hamkorligini yanada rivojlantirish uchun katta salohiyat va ularni amalga oshirish uchun qiziqish mavjudligi tasdiqlandi. Vazir elchiga so‘nggi to‘rt yil davomida O‘zbekiston bilan Vyetnam o‘rtasidagi aloqalarni yanada mustahkamlash borasidagi faol sa’y-harakatlari uchun minnatdorchilik izhor etdi. Fam Van Fao, o‘z navbatida, o‘zining O‘zbekistondagi missiyasini muvaffaqiyatli bajarishida yaratib berilgan qulay sharoitlar uchun samimiy minnatdorchilik bildirdi.