Shimoliy Koreya AQSh o‘z tomonidan tahdidini bartaraf etmagunicha bir tomonlama qurolsizlanishdan bosh tortdi. Bu haqda Koreya markaziy telegraf agentligiga tayanib, Associated Press xabar berdi.
Agentlik xabarida qayd etilishicha, ayni paytda AQSh Koreya yarimorolining yadroviy qurolsizlanishining aniq mazmunini tushunib olishi va geografiyani o‘rganishi kerak.
Qayd etilishicha, mintaqaga nafaqat KXDR hududi, balki AQSh harbiylari va yadro quroli joylashgan Janubiy Koreya ham kiradi. Koreya yarimorolining yadrosizlanishi deyilganda nafaqat Janub va Shimol, balki ularga tutush hududlar ham tushuniladi.
AP tomonidan ta’kidlanishicha, Vashington o‘zining taktik yadro qurolini Janubiy Koreyadan 1990-yillarda chiqarib ketgan.
Pxenyan tomonidan ma’lum qilinishicha, dasturdan bir tomonlama voz kechish qurolsizlanishga o‘xshamaydi va “AQShning nishonlari ro‘yxatida birinchi o‘rinda turadigan” himoyasiz davlatni yuzaga keltiradi. Bunda dushmanlik siyosatining tugatilishi va Shimoliy Koreya talab qilayotgan sanksiyalarning olib tashlanishi Vashington uchun barmoq qimirlatgandek oson ish, deyiladi agentlik xabarida.
Izoh (0)