20-dekabrning asosiy yangiliklari — “Daryo” dayjestida.
Asli kelib chiqishi o‘zbekistonlik bo‘lgan rossiyalik milliarder Alisher Usmonov Rossiyaning Forbes nashriga bergan intervyusida O‘zbekiston Prezidenti Shavkat Mirziyoyevning qaysi futbol klubiga muxlislik qilishi haqida gapirdi. Uning aytishicha, Prezident “Paxtakor” klubining muxlisi.
Shuningdek, Alisher Usmonov Shavkat Mirziyoyev Markaziy Osiyoga tinchlikni qaytargani, o‘zbek xalqiga qo‘lidan kelganicha yordam berishi, o‘zimni O‘zbekiston rahbariyatining yordamchisi deb hisoblashi haqida ham gapirdi.
***
“O‘zavtosanoat” rahbari 2022-yilgacha barcha avtomobillar modellar qatorini yangilashni rejalashtirayotganini ma’lum qildi.
“Biz O‘zbekiston qayerdadir ishlab chiqarishdan olingan avtomobillarni ishlab chiqarmaslikni talab qilamiz. GM bilan parallel ravishda modellar qatorini yangilashga harakat qilamiz. Bu raqobatbardoshlik va eksportga yo‘naltirilganlik.
Hamkorlarimiz bilan GM’ning boshqa brendlarini ishlab chiqarish bo‘yicha muzokaralar olib boryapmiz”, — dedi “O‘zavtosanoat” boshqaruv raisi Shavkat Umurzoqov.
Shuningdek, Toshkent viloyatining Nurafshon shahrida O‘zbekistondagi ilk multibrend avtosalonning ochilish marosimi bo‘lib o‘tdi. Shu munosabat bilan e’lon qilingan aksiya shartlariga ko‘ra, yangi yildan boshlab, eng yangi KAMAZ 5490 “Neo” shatakchisini xarid qilgan xaridorga Cobalt avtomobili sovg‘a qilinadi.
***
22-dekabr kuni soat 17:00 da Toshkentdagi “Anhor-Lokomotiv” bog‘ida O‘zbekistonda eng baland bo‘lgan “Charxpalak” attraksioni foydalanishga topshiriladi. Eng yuqori nuqtasi 72 metr bo‘lgan ushbu attraksion 48 ta yopiq turdagi kabinadan iborat (8 tasi VIP). Bir vaqtning o‘zida 272 kishiga xizmat ko‘rsatishga mo‘ljallangan charxpalakning to‘la aylanishi 12 daqiqani tashkil etadi.
Charxpalak attraksionining o‘ziga xos nomi ham bor – “Anhor yulduzi”.
***
O‘zbekistonning “Eng ma’rifatli imomi” aniqlandi. 20-dekabr kuni O‘zbekiston musulmonlari idorasida har yili an’anaviy tarzda o‘tkazilib kelinayotgan “Eng ma’rifatli imom — 2018” ko‘rik tanlovining respublika bosqichi o‘tkazildi. Birinchi o‘rin g‘olibi deb Farg‘ona viloyati Marg‘ilon shahridagi “Xudoyorxoji” jome masjidi imom-noibi Abduvohid Ahmadaliyev topildi. Unga O‘zbekiston musulmonlari idorasining birinchi darajali diplomi va “Vaqf” xayriya jamoat fondi tomonidan taqdim etilgan noutbuk va 3 000 000 so‘m pul mukofoti topshirildi.
***
San Jay Yulduz Usmonovaning qo‘lini o‘pib, undan kechirim so‘radi. Halima Ibragimova Instagram’ga Checheniston xalq artisti San Jay Yulduz Usmonovani tug‘ilgan kuni bilan tabriklab, kechirim so‘ragani aks etgan videoni joyladi. Videoda San Jay “Agar men sizni hafa qilgan bo‘lsam, meni kechirishingiz kerak” deb, Yulduz Usmonovaga atirgullar beradi hamda uning qo‘lini o‘padi.
Izoh (0)