20 декабрнинг асосий янгиликлари — «Дарё» дайжестида.
Асли келиб чиқиши ўзбекистонлик бўлган россиялик миллиардер Алишер Усмонов Россиянинг Forbes нашрига берган интервьюсида Ўзбекистон Президенти Шавкат Мирзиёевнинг қайси футбол клубига мухлислик қилиши ҳақида гапирди. Унинг айтишича, Президент «Пахтакор» клубининг мухлиси.
Шунингдек, Алишер Усмонов Шавкат Мирзиёев Марказий Осиёга тинчликни қайтаргани, ўзбек халқига қўлидан келганича ёрдам бериши, ўзимни Ўзбекистон раҳбариятининг ёрдамчиси деб ҳисоблаши ҳақида ҳам гапирди.
***
«Ўзавтосаноат» раҳбари 2022 йилгача барча автомобиллар моделлар қаторини янгилашни режалаштираётганини маълум қилди.
«Биз Ўзбекистон қаердадир ишлаб чиқаришдан олинган автомобилларни ишлаб чиқармасликни талаб қиламиз. GM билан параллел равишда моделлар қаторини янгилашга ҳаракат қиламиз. Бу рақобатбардошлик ва экспортга йўналтирилганлик.
Ҳамкорларимиз билан GM’нинг бошқа брендларини ишлаб чиқариш бўйича музокаралар олиб боряпмиз», — деди «Ўзавтосаноат» бошқарув раиси Шавкат Умурзоқов.
Шунингдек, Тошкент вилоятининг Нурафшон шаҳрида Ўзбекистондаги илк мультибренд автосалоннинг очилиш маросими бўлиб ўтди. Шу муносабат билан эълон қилинган акция шартларига кўра, янги йилдан бошлаб, энг янги КАМАЗ 5490 «Neo» шатакчисини харид қилган харидорга Cobalt автомобили совға қилинади.
***
22 декабрь куни соат 17:00 да Тошкентдаги «Анҳор-Локомотив» боғида Ўзбекистонда энг баланд бўлган «Чархпалак» аттракциони фойдаланишга топширилади. Энг юқори нуқтаси 72 метр бўлган ушбу аттракцион 48 та ёпиқ турдаги кабинадан иборат (8 таси VIP). Бир вақтнинг ўзида 272 кишига хизмат кўрсатишга мўлжалланган чархпалакнинг тўла айланиши 12 дақиқани ташкил этади.
Чархпалак аттракционининг ўзига хос номи ҳам бор – «Анҳор юлдузи».
***
Ўзбекистоннинг «Энг маърифатли имоми» аниқланди. 20 декабрь куни Ўзбекистон мусулмонлари идорасида ҳар йили анъанавий тарзда ўтказилиб келинаётган «Энг маърифатли имом — 2018» кўрик танловининг республика босқичи ўтказилди. Биринчи ўрин ғолиби деб Фарғона вилояти Марғилон шаҳридаги «Худоёрхожи» жоме масжиди имом-ноиби Абдувоҳид Аҳмадалиев топилди. Унга Ўзбекистон мусулмонлари идорасининг биринчи даражали дипломи ва «Вақф» хайрия жамоат фонди томонидан тақдим этилган ноутбук ва 3 000 000 сўм пул мукофоти топширилди.
***
Сан Жай Юлдуз Усмонованинг қўлини ўпиб, ундан кечирим сўради. Ҳалима Ибрагимова Instagram’га Чеченистон халқ артисти Сан Жай Юлдуз Усмоновани туғилган куни билан табриклаб, кечирим сўрагани акс этган видеони жойлади. Видеода Сан Жай «Агар мен сизни ҳафа қилган бўлсам, мени кечиришингиз керак» деб, Юлдуз Усмоновага атиргуллар беради ҳамда унинг қўлини ўпади.
Изоҳ (0)