O‘zbekiston hududida har bir insonga vafot etganidan keyin uni dafn etish uchun joyning tekin berilishi kafolatlanadi. Bu haqda “Huquqiy axborot” kanali ma’lum qildi.
Shaxs xorijiy davlat hududida vafot etgan taqdirda, vafot etgan shaxsning uning jasadini yoki xokini O‘zbekiston hududida dafn etish to‘g‘risidagi xohish-irodasini bajarish, shaxsga o‘lim haqidagi guvohnomani, jasadni olib ketish uchun ruxsatnomani, yo‘l hujjatlarini, jumladan, davlat chegaralarini kesib o‘tishga doir hujjatlarini olishga ko‘maklashish qismida kafolatlanadi.
O‘zbekiston fuqarosi yoki O‘zbekistonning yo‘l hujjatiga ega fuqaroligi bo‘lmagan shaxs O‘zbekistondan tashqarida vafot etganda, o‘limni ro‘yxatga olish konsullik okrugi hududida marhum yashagan yoki o‘lim yuz bergan mamlakatda joylashgan konsullik muassasasi tomonidan amalga oshiriladi.
Havo yoki dengiz kemasida yuz bergan o‘limni ro‘yxatga olish havo kemasi qo‘nadigan yoki dengiz kemasi keladigan mamlakat konsullik okrugiga kiradigan konsullik muassasasi tomonidan amalga oshiriladi.
Konsullik tomonidan o‘lim to‘g‘risidagi hujjatlarni rasmiylashtirish konsullik va boshqa yig‘imlar undirilmasdan amalga oshiriladi.
Fuqaroning o‘limi to‘g‘risidagi ariza qarindoshlari, yaqinlari va boshqa shaxslar tomonidan uch sutkadan kechikmay taqdim etiladi.
Hayotlik chog‘idagi xohishiga yoki vasiyatnomasiga ko‘ra O‘zbekistondan tashqarida vafot etgan chet el fuqarolarini olib kelish va O‘zbekiston hududida ko‘mishga ruxsat beriladi.
Odatda, ular sobiq vatandoshlar, O‘zbekiston bilan tarixiy qarindoshlik aloqalariga ega bo‘lgan boshqa shaxslar bo‘lishi mumkin.
Izoh (0)