O‘zbekistonda foydalanilmayotgan obyektlarning egalari bo‘lgan jismoniy shaxslarga ham ta’sir choralari qo‘llaniladi

Ishlab chiqarish maydonlaridan foydalanish samaradorligini oshirishga doir qo‘shimcha chora-tadbirlar to‘g‘risida 2018-yil 4-sentabrdagi Prezident qaroriga o‘zgartirish va qo‘shimchalar kiritildi. Bu haqda “Huquqiy axborot” kanali ma’lum qildi.

Kiritilgan o‘zgartirishlarga muvofiq, endilikda quyidagi ta’sir choralari foydalanilmayotgan obyektlarning xususiy mulkdorlariga, yuridik shaxslar bilan bir qatorda jismoniy shaxslarga ham qo‘llaniladi:

Soddalashtirilgan soliqqa tortish tartibidan soliqlar va boshqa majburiy to‘lovlarni umumbelgilangan tartibda to‘lashga o‘tkazish;

Mol-mulk va yer soliqlarini ikki karra miqdorda to‘lash, 6 oydan so‘ng besh karra, 12 oydan so‘ng va keyinchalik o‘rnatilgan stavkaga nisbatan o‘n karra miqdorda to‘lashga o‘tkazish;

Taqdim etilgan soliq imtiyozlari va preferensiyalar amal qilishini to‘xtatish.

Ilgari bu ta’sir choralari faqat yuridik shaxslarga ko‘llanilgan, jismoniy shaxslar esa nazarda tutilmagan.