Rossiyalik milliarder Alisher Usmonov Forbes nashriga bergan intervyusi davomida hozirgi kunda O‘zbekistonda barcha imkoniyatlar mavjudligi haqida gapira turib, o‘zbek xalqiga qo‘lidan kelgunicha yordam berishini aytib o‘tdi.
Forbes: YouTube’da sizning jiyaningiz Sarvarning to’yidan video lavhalar bor. Siz mehmonlar orasidagi yoshlarga quyidagi so‘zlarni aytdingiz: sizlar uchun barcha yo‘llar ochiq, prezident sizga yordam beradi, faqat qabul qilib uni bajaring. Agar Fattoh (Shodiyev) va Iskander bilan (Mahmudov) bir vaqtlar bunday imkoniyatlarga ega bo‘lganimizda, biz dunyoni tubdan o‘zgartirgan bo‘lar edik.
— Ha, shunday degan edim. Hozirgi kunda biznes uchun barcha imkoniyatlar mavjud. O‘zbekiston xalqi aqlli, menimcha, bu imkoniyatlardan foydalanadi. Men esa qo‘limdan kelganicha yordam beraman.
Shuningdek, tadbirkor suhbat davomida na O‘zbekistonda va na Rossiyada biznes bilan shug‘ullanishni istamasligini aytib o‘tdi:
“Men Rossiyada ham, O‘zbekistonda ham biznes bilan shug‘ullanishni istamayman. Bugungi kunda 80 foiz vaqtimni Xalqaro qilichbozlik federatsiyasini boshqarishga sarflamoqdaman.
9-dekabr kuni biz 105 yoshga to‘lamiz va biz federatsiyani tashkil etgan shahar — Parijda yubileyni nishonlaymiz.
Tadbirga barcha olimpiya chempionlari, barcha ko‘pkarra jahon chempionlari, barcha federatsiyalarni va jahon sport rahbarlarini taklif qilamiz. Bunday tadbirni o‘tkazish uchun juda ko‘p ishlar talab etiladi”, — deydi Usmonov.
Izoh (0)