Indoneziyaning jungli o‘rmonlaridan geologlar tasodifan sirli, tarixdagi eng ulkan va qadimiy, inson qo‘llari bilan yaratilgan piramidani topdi. Bu haqda “Tengrinews” xabar berdi.
Tadqiqotchilar bu haqda AQSh Geologiya Ittifoqining yig‘ilishida so‘zlab berdi. Ushbu topilma Yava orollarining g‘arbiy qismida joylashgan Padang tog‘i yonbag‘rida aniqlangan. Ikki asr ilgari bu yerdan o‘ziga xos qo‘rg‘on — ko‘plab toshlar bilan qoplangan “Gunung Padang” topilgan.
Taxminlarga ko‘ra, tosh asrining ibodatxonasi bo‘lishi ehtimoli mavjud. Mazkur tuzilma ostida qadimiy va ulkan inshootlar bo‘lishi mumkin.Olimlar tog‘ yonbag‘irlarida bir qator qazilma ishlarini o‘tkazib, uni radar va boshqa qurilmalar bilan yoritib turdi. Ular tuproqning elektr yoki magnit maydonidagi o‘zgarishlar natijasida yashiringan qadimiy artefaktlarning bo‘shliq va izlarini topish imkonini beradi.
Ajablanarli tomoni shundaki, jami maydoni taxminan 15 gektarni tashkil etuvchi tog‘ atrofi bitta qo‘l bilan yasalgan tuzilmaning bo‘lagi bo‘lib chiqdi.
Tadqiqotchilarning baholashlariga ko‘ra, piramidaning balandligi taxminan 30 metrga teng bo‘lib, u turli vaqtlarda o‘chgan vulqonning og‘ziga o‘rnatilgan uch qismdan iborat.
Qizig‘i shundaki, piramidaning ichidagi bo‘shliqlarni ko‘rsatib turgan radar tasvirlari bu yerlarda maxfiy xona va boshqa tuzilmalar borligini ko‘rsatdi. Arxeologlarning fikricha, piramida aslida rasadxona yoki qabriston emas, balki ibodatxona bo‘lganidan dalolat beradi.
Izoh (0)