Индонезиянинг жунгли ўрмонларидан геологлар тасодифан сирли, тарихдаги энг улкан ва қадимий, инсон қўллари билан яратилган пирамидани топди. Бу ҳақда «Tengrinews» хабар берди.
Тадқиқотчилар бу ҳақда АҚШ Геология Иттифоқининг йиғилишида сўзлаб берди. Ушбу топилма Ява оролларининг ғарбий қисмида жойлашган Паданг тоғи ёнбағрида аниқланган. Икки аср илгари бу ердан ўзига хос қўрғон — кўплаб тошлар билан қопланган «Гунунг Паданг» топилган.
Тахминларга кўра, тош асрининг ибодатхонаси бўлиши эҳтимоли мавжуд. Мазкур тузилма остида қадимий ва улкан иншоотлар бўлиши мумкин.Олимлар тоғ ёнбағирларида бир қатор қазилма ишларини ўтказиб, уни радар ва бошқа қурилмалар билан ёритиб турди. Улар тупроқнинг электр ёки магнит майдонидаги ўзгаришлар натижасида яширинган қадимий артефактларнинг бўшлиқ ва изларини топиш имконини беради.
Ажабланарли томони шундаки, жами майдони тахминан 15 гектарни ташкил этувчи тоғ атрофи битта қўл билан ясалган тузилманинг бўлаги бўлиб чиқди.
Тадқиқотчиларнинг баҳолашларига кўра, пирамиданинг баландлиги тахминан 30 метрга тенг бўлиб, у турли вақтларда ўчган вулқоннинг оғзига ўрнатилган уч қисмдан иборат.
Қизиғи шундаки, пирамиданинг ичидаги бўшлиқларни кўрсатиб турган радар тасвирлари бу ерларда махфий хона ва бошқа тузилмалар борлигини кўрсатди. Археологларнинг фикрича, пирамида аслида расадхона ёки қабристон эмас, балки ибодатхона бўлганидан далолат беради.
Изоҳ (0)