Yangi “Toshkent—Moskva” poyezdi chiptalari narxi ma’lum bo‘ldi

“O‘zbekiston temir yo‘llari” kompaniyasi yangi “Toshkent—Moskva” poyezdi chiptalari narxini ma’lum qildi, deb yozadi “Podrobno.uz”.

Yangi poyezd 14-dekabr kuni Toshkent—Moskva—Toshkent yo‘nalishida qatnashni boshlandi. Belgilangan jadvalga ko‘ra yangi Toshkent—Moskva yo‘nalishi bo‘yicha qatnov haftada bir marta ya'ni har juma kuni amalga oshiriladi.

Shuni alohida ta'kidlash kerаkki, bugungi kungacha mamlakatdan Moskvaga faqat ikkita, 005/006-sonli Toshkent—Moskva—Toshkent hamda 149/150-sonli Andijon—Moskva—Andijon yo‘nalishida poyezdlar harakati amalga oshirilib, yo‘lovchilarga xizmat ko‘rsatilayotgan edi. E'tiborlisi, Toshkent markaziy vokzalidan  yo‘lga chiqqan ushbu poyezd Samarqand, Navoiy, Buxoro, Nukus shaharlaridan o‘tib, Qoraqalpog‘iston stantsiyasi orqali harakatlanadi. Bu esa ushbu hududlarda istiqomat qilayotgan o‘zbekistonliklarga, qolaversa sayyohlar uchun ham juda katta qulaylik yaratadi.

Platskartada (227 ta joy) chipta narxi 1 196 482 so‘mni, kupeda (26 ta joy) — 1 867 917 so‘mni, lyuksda — 2 838 347 so‘mni tashkil etadi.