Uzbekistan Airways aviakompaniyasi 2018-yildagi uch millioninchi yo‘lovchisini kutib oldi. Bu haqda kompaniya matbuot xizmati xabar berdi.
Aviakompaniyaning yubiley yo‘lovchisi HY334 Dubay—Toshkent reysiga ro‘yxatdan o‘tgan O‘zbekiston fuqarosi Iskandar Fozilov bo‘ldi.
Yo‘lovchiga qaratilgan tabriklar yangradi, unga sovg‘alar, shu jumladan, Uzbekistan Airways samolyoti maketi va aviakompaniyaning har qanday yo‘nalish bo‘yicha reysiga borish-kelish uchun bepul chipta topshirildi.
Izoh (0)