8-dekabr kuni “Hilol-nashr” matbaa nashriyoti hamda islom.uz portali tahririyati tomonidan “Allohni sevsangiz, menga ergashing!” shiori ostida Mavlid tadbiri tashkil etildi. Bu haqda Islom.uz xabar berdi.
Mavlid tadbiri doirasida “Islom.uz” portalining an’anaviy “Islom.uz – 1439” tanlovi g‘oliblarini taqdirlash marosimi ham bo‘lib o‘tdi. Unga ko‘ra, faxrli 1-o‘rin – Muhammad Odil, 2-o‘rin – Sunnatulloh Abdulbosit, 3-o‘rin esa – Sanjar Qobil va Fotima Aliylarga nasib etdi.
Tadbirda Toshkent shahri va Toshkent viloyati jome masjidlarining imom-xatiblari, imom-noiblari, diniy ta’lim muassasalari talabalari, bir qator adiblar va mehmonlar ishtirok etgan.
Shuningdek, “Hilol-nashr” matbaa nashriyoti tomonidan ko‘zi ojiz Qur’on muxlislariga Brayl yozuvidagi Mus’haflar hamda Qur’oni karim yozilgan audiodisklar hadya etildi.
Izoh (0)