O‘zbekistonda bu yil “Obod qishloq” dasturi doirasida 159 ta tumandagi 416 ta qishloqda katta hajmdagi qurilish-obodonlashtirish ishlari olib borildi. Bu haqda Prezident Shavkat Mirziyoyevning qishloq xo‘jaligi xodimlariga tabrigida aytib o‘tilgan.
Natijada 2 millionga yaqin aholi uchun yangi uy-joylar, tabiiy gaz, elektr, ichimlik suvi tarmoqlari, ravon yo‘llar, maktab va bog‘chalar, shifo maskanlari, madaniyat va sport inshootlari ishga tushirilgan.
Arzon uy-joylar dasturi doirasida bu yil qishloqlarda 28 mingta uy-joy barpo etilib, o‘z egalariga topshirildi. Bunday uy-joylar uchun dastlabki to‘lov miqdori 25 foizdan 15 foizga, kam ta’minlangan oilalar uchun esa 10 foizga tushirildi.
Izoh (0)